– Venterommet på Fiskepiren skal oppgraderast og vil vere stengt frå måndag 8. mai til og med fredag 12 mai, melder kollektivselskapet Kolumbus:
– Me beklagar dette, men ser fram til å få eit nytt og fint venterom.
Fiskepiren held på å bli bygd om til konsertscene. Opningskonserten er med Susanne Sundfør fredag 11. august, og den er allereie utseld, går det fram av Fiskepirens nettside.
I fjor vakte det reaksjonar då reisande stod i fare for å måtte vente utandørs medan kulturhuset blei rigga til, som Øyposten meldte om. Så langt under byggjeperioden har venterommet vore ope, melder Kolumbus.
Fiskepiren presenterer den nye konsertscenen for Stavanger slik:
«Med utsikt mot Ryfylke og inn til Vågen, midt mellom øst og vest bygges nå et spennende tilskudd til byens kulturliv.
Som en forlengelse av Pedersgatens yrende liv og med et eget busstopp rett utenfor døren skal vi fylle den gamle Fiskepirterminalen med konserter, eventyr, klubber, selskap og konferansar.»