Yrkesfag eller studiespesialisering, Tau eller Jåttå? Internat eller hybel? Mange vanskelige val for 10. klassingar på Finnøy.,
-Trenden akkurat i år er at færre av 10. klassingane som har skulen på Tau som førstevalg, opplyser rådgjevar Margunn Tungland Nordbø ved Finnøy sentralskule til Øyposten.
Ein annan trend hos årets 10. klassingar på Finnøy er at færre søkjer til friskular som Tryggheim, Lyngdal eller Lundeneset. Bare sju av 30 har dette som førsteval, mens det på det meste har vore opptil halvparten. Det vanlege har vore at 35 til 40 prosent har søkt seg til friskulane.
-I år er det også fleire som har skular i byen som førstevalg, medan det før har vore rundt to tredjedeler av elevane som hadde skulen på Tau på førsteplass. Det gjeld rundt halvparten av elevane her. Det betyr ein lenger skuledag viss dei skal pendla til byen. Men det er nok også ein del foreldre som har leilighet i byen, kor barna kan bu, seier Tungland Nordbø.
Tradisjonelt har det vore ei overvekt av yrkesfag i søknadsbunka på Finnøy.