-Me kjem til å stå knallhardt på at det ikkje skal vera eigendomsskatt i Rennesøy, seier Tor Bernhard Harestad (Frp) til Øyposten.,
Frp-politikarane reagerer sterkt på forslaget om å innføra eiendomsskatt i Rennesøy.
-Hadde eg visst dette hadde eg stemt nei til at Rennesøy skulle gå inn i Stavanger, legg Harestad til.
I innstillinga til formannskapet i Nye Stavanger denne veka går det fram at rådmannen foreslår eiendomsskatt i heile kommunen.
Rennesøy har ikkje eiendomsskatt i dag, og i intensjonsavtalen mellom Stavanger, Rennesøy og Finnøy står det at det bare skal vera eiendomsskatt i områder som er "utbygd på byvis".
Men etter rådmannen si vurdering, og etter å ha rådført seg med juristane i Kommunenes Sentralforbund, konkluderer rådmannen med at eiendomsskatt i heile den nye kommunen vil vera mest rettferdig og vera det tryggaste reint juridisk. "Utbygd på byvis" er vanskeleg å avgrensa, meiner rådmannen, som heller vil at den nye kommunen skal delast inn i soner.
Høgast skatt i den nye kommunen vil det i følge forslaget bli på Eiganes og Madla og lågast på dei ikkje landfaste øyane i Finnøy. Rennesøy havnar i ei høgare sone enn Finnøy.
Rekneeksempelet som rådmannen legg fram viser denne fordelinga:
Ein einebustad på 120 kvadratmeter med eit halvt mål tomt på Judaberg vil få ein eiendomsskatt på 2502 kroner i året. Ein tilsvarande bustad på Vikevåg vil bli skattlagd med 3054 kroner i året, medan det i dyraste sona i Stavanger vil bli ein årleg eigedomsskatt på 3680 kroner på denne eigedommen.
Ein fridsbustad i Finnøy vil etter forslaget få ein eigedomsskatt på 2528 kroner, i Rennesøy
2844 kroner og i Stavanger 3160 kroner.
Dei nye skattereglane skal gjelda frå 2021. Forslaget kjem opp i formannskapet denne veka.
Men Frp kjem til å foreslå at forslaget blir droppa, og at det er intensjonsavtalen som skal gjelda.