"Ombo" mista ankeret på Judaberg

Ferja «Ombo» er ute av trafikk, etter å ha mista ankeret ved ferjekaien på Judaberg mandag. Ifølge Norled skal likevel begge dei to nye ferjene «Hidle» og «Ombo» vera i trafikk igjen i løpet av ondag.

FINNØY:

Det var under låring av ankeret på Judaberg, det gjekk galt, og ankeret rausa i sjøen. Ifølge driftsinspektør Annette Røberg i Norled er det planen å henta opp ankeret igjen i løpet av natta.,

-Kjem begge dei to nye ferjene i trafikk til påskeutfarten?

-Ja, me reknar med at "Ombo" kjem i trafikk igjen onsdag, opplyser Annette Røberg til Øyposten.

Ferja "Sjernarøy" er sett inn som reserveferje mens "Ombo" ventar på ankeret sitt. Ifølge regelverket er det krav om at ankeret er på plass, før ho kan setjast inn i rute igjen.