- Det blir intens nedbør i denne perioden og det er sendt ut gult farevarsel. I løpet av 12 timar vil det regna mellom 50 og 70 millimeter nedbør. Vinden kjem frå sør-vestlig retning og det vil blåsa sterk kuling, opplyser Magnus Haukeland, vakthavende meteorolog ved Værvarslinga i Bergen.,
Når det verste regnet har gitt seg laurdag føremiddag går vinden over til nord-vestleg retning og regnet avtar og går over til bygevêr. Men lukka blir ikkje langvarig, for allereie på ettermiddag/kveld bygg vinden seg opp igjen, og det er venta full storm frå nord-vest.
- Ryfylke får faktisk den sterkaste vinden, opp mot 35 – 40 m/sek, som tilsvarer full storm. Det er allereie sendt ut gult farevarsel, men dette kjem mest sannsynleg til å bli oppgradert til oransje nivå i løpet av dagen, seier Haukeland.
Sundag skjer det ei gradvis betring i vêret. Temperaturen synk litt, og det blir færre byger som kjem ned som sludd. Vinden roar seg og det kan bli periodar med sol.