FINNØY:
Korona'en merkast også i Hjelmeland Sparebank. I kvartalsrekneskapen for andre kvartal i år, som blei kjent torsdag ettermiddag, går det fram at 33 kundar har fått avdragsfrihet på lån. 10 prosent avbedriftskundane har motteke kontantstøtte, og det er innvilga 3 statsgaranterte likviditetslån på til saman 2,8 millionar kroner.,
Banken har også ført 1,9 millionar som tap på utlån ved utgangen av juni. På same tid noterer banken seg for eit overskot på 12,6 millionar kroner før skatt. Forvaltningskapitalen er på 3,2 milliardar kroner, og både innskot og utlån har auka, viser kvartalsrapporten. Utlåna auka med 44 millionar eller 7,4 prosent til 2,7 milliardar, mens innskota auka med sju prosent til to milliardar kroner.
I dei generelle kommentarane skriv banken at "det er knytt usikkerhet til den langvarige effekten av korona-situasjonen, og dei ulike økonomiske tiltak som er innført. For banken gir dette seg spesielt gjeldande i forhold til ein meir utfordrande kredittvurdering og vekst, samt i forhold knytt til tapsvurderingar.
Som ein følge av svak kronekurs har også kundar med valutalån ein utfordrande situasjon", skriv banken.