Nå kan du søke om støtte til tannlege
Bur du i Stavanger kommune og har relativt låg inntekt kan du få kommunen til å betale deler av tannlegerekninga di.
Utvalg for helse og velferd i Stavanger kommune har innført ei søknadsbasert tannhelseordning der det er sett av 23,4 millionar kroner.
For å få støtte må du vere busett i kommunen og ha folkeregistrert adresse her. Du må vidare ha ei relativt låg inntekt.
Søknadsfristen er 30. september. Tannbehandlinga du søkjer om støtte til må vere starta etter 1. mars i år.
Ordninga gjeld for godkjende offentlege og private tannklinikkar i Norge.
Finnøy og Rennesøy har to offentlege tannklinikkar; Finnøy tannklinikk og Rennesøy tannklinikk, som er ein del av det fylkeskommunale føretaket Tannhelse Rogaland. Næraste private tannklinikk er i Randaberg.
Finnøy tannklinikk på Judaberg har OK kapasitet og plass til nye pasientar, fekk Øyposten opplyst då me ringde fredag og sjekka. Rennesøy tannklinikk i Vikevåg var stengt denne dagen, fekk me opplyst.
