Søndag viser kalenderen første desember, og dermed første søndag i advent. Då blir det tenning av julegran i Judaberg sentrum klokka 16. Her blir det sang av Finnøy Fun Children og både Finnøy Blomster, Steinnes VVS og Kaihuset held ope.,
Dessutan blir det tenning av dekorlysa på Bethel. Vinduene i den vakre steinbygningen vil få eit diskret lysskin, som vil bli eit nytt innslag i desembermørket på Judaberg.
Ta med venner og kjende og få julestemninga på plass, lokkar arrangøren.
Elles kan det nemnast at det i kveld er duka for "Putti,Plutti,Pott"-forestilling på Oppvekstsenteret på Sjernarøy. Heile 42 står på scena, og forestillinga begynner klokka 19.00. Dessutan er det basar på Bjergøy bedehus klokka 18.00. Halsnøy Musikklag blir med.
I kveld klokka 18.00 er det også gutelagsbasar på Fogn bedehus, og i morgon, laurdag kjem Guri Malla på besøk til biblioteket på Finnøy. Det er forteljarstund for barn, og ho har også med mjølkespannet sitt.
Søndag har "Sprell levande" felles søndagsskule på Finnøy pleie- og omsorgssenter klokka 10.45. Det blir eit møte for store og små med peparkaker, song og tenning av lys.
Klokka 10.30 vil Storklassen ha adventskos på garden til Hadle Austbø. Det blir andakt, leik og noko godt i bålpanna.
Det er også søndagsope på Emmaus frå klokka 20.00, og 11-møte tidlegare om søndagen. Her blir det tale ved Steinar Mjølsnes.
Søndag er det også gudstenester både i Fogn kyrkje, Sjernarøy kyrkje, på Ombo grendahus og kveldsbøn i Talgje kyrkje.