Ny annonseseljar i Øyposten

Sveinung Tou er tilsett i Øyposten for å selja annonser. Han har bakgrunn frå salg av annonser i Aftenbladet, og ser fram til å begynna.

FINNØY: -Det skal bli spennande å sjå kva me kan få til, eg må leggja ein plan, seier Tou til Øyposten.

Sveinung Tou har jobba i Aftenbladet i mange år, dei siste sju åra som annonseseljar. Nå skal han gi seg i kast med annosemarknaden for Øyposten, og håpar at det kan gi klingande mynt i kassen til avisa.

Han reknar med å vera mykje på reisefot for å besøkja potensielle kunder. Etter at han gjekk av i Aftenbladet jobba han med salg av bruktbilar nokre år.

Nå blir det Finnøy som er arbeisstaden hans, kor han har fått ein 40 prosent stilling. I tillegg til å selja annoser har han musikk på si. Saman med Gunnar Helgesen spelar han i tomanns-orkesteret «Di du vett», som nyleg spelte på Innbyggartorget på Judaberg.