OMBO:
Ryfast åpna ved årsskiftet i fjor, og åpna dermed plutseleg ein ny veg mellom Ombo og byen. Det viser igjen på trafikktala.,
I januar i fjor var det 816 bilar som reiste til eller frå Skipavik på Ombo over Hjelmeland. Året før var talet 585. Tala er små, men likevel gir dette eit bilete av situasjonen. Veksten flata deretter ut, kanskje etter at den første nygjerrigheten hadde lagt seg.
https://www.oyposten.no/2020/01/11/ryfast-apnar-ny-reiseveg-for-ombo/
I februar i fjor låg han vel 20 prosent over og i mars bare ubetydeleg over. Men dette er også månaden koronaen slo inn for fullt og folk blei frårådde å reisa og, ikkje minst, feriera på hyttene sine butanfor eigen kommune. Det blei innført 19. mars.
I juli har situasjonen roa seg meir, pluss at dette er den store feriemånaden i landet. I fjor blei dessutan folk nødt til å feriera i heimlandet. Då viste trafikken Skipanes-Ombo at det reiste 1539 personbilar på denne strekninga, mot 997 i 2019. Det er ein auke på over 50 prosent.
Trafikktala er slik for personbilar i sambandet i 2019:
Januar: 585
Februar: 615
Mars: 598
April: 837
Mai: 863
Juni: 883
Juli: 997
August: 877
September: 807
Oktober: 789
November: 681
Desember: 628
For personbilar i 2020:
Januar: 816
Februar: 746
Mars: 611
April: 947
Mai: 1278
Juni: 1276
Juli: 1539
August: 1249
September: 1041
Oktober: 1101
November: 1049
Desember: 1088
Teamleiar i ferjeavdelinga hos Statens Vegvesen, Anders Sæternes, seier auken ikkje var uventa
--Me har lagt inn ein auke i trafikken i samtlege samband her, også Skipavik-Hjelmeland i dei nye ferjekontraktane som skal gjelda frå nå i vår, opplyser Sæternes.
Han meiner ei rimeleg forklaring er åpninga av Ryfast, men er usikker på kva innføringa av bompengar vil få å seia for den vidare utviklinga av trafikken i dette sambandet.
-Det er fleire usikre faktorar som gjer det vanskeleg å spå om dette. Bompengar kan opplagt spela inn, dessutan kjem det an på korleis korona'en utviklar seg. Blir han langvarig kan det gi eit tilbakeslag i økonomien, noko som vil påvirka reisinga, seier Sæternes.