FINNØY: -Det er lenge sidan me har hatt ein bokmålsklasse på skulen. Eg har vore rektor i 12 år, og det har ikkje vore bokmålsklassar her i mi tid som rektor. Men det har vore elevar med bokmål før det, seier rektor Bente Tjelta på Finnøy Sentralskule til Øyposten.,
Ho legg til at fjerdetrinnet har så mange elevar, at det ville blitt delt uansett i to klassar. Nå blei delinga etter om opplæringsmålet er nynorsk eller bokmål. Nynorskklassen har 18 elevar.
-Det har ikkje vore ønske om eigne bokmålsklassar før. At det skjer nå kan ha samanheng med at Finnøy er blitt ein del av Stavanger kommune, og at det har vore ein del tilflytting av foreldre som ynskjer bokmål som opplæringsmål, seier Bente Tjelta.