Formannskapet vedtok i møtet 8. desember å støtta 11 aktørar som til saman får 3,5 millionar kroner i støtte til næringsutvikling.
Det nye visingssenteret på Klostergarden skal blant anna innehalda eit proffkjøkken, samt skjære- og foredlingskapasitet.
Må innfri visse krav
Tiltaka som har fått støtte må ha betydning for fleire aktørar i ein bransje, eller vera eit løft for det regionale økosystemet for innovasjon og entreprenørskap.
I tillegg må initiativa som få støtte kunne koplast til eitt eller fleire av kommunen sine satsingsområde:
– Energihovudstaden
– Landbruk og Havbruk
– Industri, teknologi og kompetanse
– Oppleving, reiseliv og kultur
Kommunen ønskjer å stimulera til utvikling og etablering av prosjekt som kan bidra til verdiskaping, arbeidsplassar og omstilling i næringslivet.
To gonger i året vert det lyst ut midlar til næringsstøtte kor aktørane kan søke om midlar.
I tillegg til Klostergarden får Youngfish AS 50 000 i støtte til etablering av nettverk og møteplass for unge som jobbar i havbruksnæring. Målet er å skapa ein relevant og næringsaktuell møteplass der unge i bransjen kan møtast og diskutera problemstillingar, nye løysingar og liknande.
Også TEAL AS er blant dei innstilte og får 350 000 i støtte til etablering av innovasjonsnettverk for veksthusnæringa. Innovasjonsnettverket skal jobba for å sikra næringa ei framtid i regionen, blant anna gjennom utvikling og deling av kunnskap og erfaring med bruk av nye løysingar. Nettverket har eit langsiktig mål om å bli næringsklynge.