Slik vil arkitektane utvikla Vikevåg

Link Arkitektur har laga ei rekke skisser til korleis Vikevåg kan utviklast. Her er nokre smakebitar:

RENNESØY: Mulighetsstudien for Vikevåg lanserer tre forslag, kor det eine inneber nybygg der kor «Gjenbruken» er i dag.

Men kommunedirektøren foreslår at det blir venta med utbygging på denne tomta, til behovet er der. I staden vil kommunen ha ei fullstendig rehabilitering av Kulturhuset Meieriet og tilbygg til helsehuset i Coop Extra-bygget.

Meieriet vil då framstå som eit nytt bygg i Vikevåg, og vil bli Rennesøy si nye storstove og ein naturleg møteplass for innbyggjarane, heiter det frå kommunen.

Kommunen meiner også at det bør vurderast å flytta busstrafikken vekk frå kaiområdet for å sikra eit bilfritt sentrum og opparbeiding av torg.

Det blir også tilrådd at det gamle kommunehuset blir seld og tomta omregulert til bustader. Lågterskeltilbudet i det verna sjøhuset (MC-huset) blir verande til det er funne nye lokjaler. NAV blir verande i Vågentunet. Forslaget kjem opp i kommunedelsutvalet neste veke.

Heile mulighetsstudien frå Link Arkitektur kan du lesa her:

file:///C:/Users/KRB602/Downloads/Vedlegg%2001_%2020220616_Mulighetsstudie%20(4).PDF