Jobbar hardt i kulissane for Øyfast

Birger Hetland vil prøva å få Stavanger til å forplikta seg klarare til å jobba for Øyfast.

Birger Wikre Hetland saman med varaordførar og partifelle Dagny Sunnanå Hausken. |Jon Olav Runestad gir full støtte til Birger Hetland (t.v.) sitt initiativ om å skjerpa Stavanger si støtte til Øyfast.
Publisert: Publisert:
Denne artikkelen er over fire år gammel

Helga kan bli avgjerande for kor sterkt nye Stavanger vil gå inn i Øyfast-prosjektet. Måndag skal det kommunestyret vedta budsjettet for den nye kommunen, og Hetland jobbar nå for å få med ei formulering i budsjettet som klarare forpliktar Stavanger til å jobba for Øyfast.,

Han tykkjer formuleringa i budsjettforslaget frå fleirtalspartia er for svak. Der heiter det:

«Den nye kommunens langsiktige mål er å arbeide for regional og statlig støtte, blant annet via ferjeavløsningsmidler til prosjektet «Øyfast», som vil gi de bebodde øyene i Finnøy fastlandsforbindelse mot Nord-Jæren.

Stavanger kommuner ber Rogaland fylkeskommune ta ansvar for å utrede prosjektet, og stiller til rådighet midler fra «Øyfastfondet» som Finnøy kommune tidligere har avsatt. Det bes om en utredning av de samfunnsmessige og klima- og miljømessige konsekvensene av en Øyfast-utbygging.»

-Me må ha ei kraftigare formulering enn dette, det har eg også sagt klart frå om til mine partikollegar, seier Birger Hetland.

- Kva med dei andre fleirtalspartia?

-Det er det for tidleg å seia. I denne situasjonen skulle eg gjerne hatt KrF med på laget, seier Hetland.

Øyposten konfronterte varaordførar i Stavanger, Dagny Sunnanå Hausken med spørsmålet om Stavanger fråskriv seg ansvaret for Øyfast, då budsjettforslaget blei lagt fram for nokre veker sidan. Ho svara då:

-Me kjem til å pusja på fylkeskommunen for at dette blir jobba vidare med. Øyfast kan ikkje vera Stavanger sitt ansvar, det må vera eit fylkeskommunalt prosjekt, sa Sunnanå Hausken til Øyposten.

Publisert: