FOGN: Siste spiker er slått i hytta, og uteområdet er rydda til. Nå er det førebuinga til åpningsfesten som står på tapetet, opplyser leiaren i festkomiteen og grendalaget, Ole Klingsheim til Øyposten.
Det blir leiaren i kommunedelsutvalet, Birger Hetland, som får æra av å klyppa snora som markerer åpninga av hytta.
-Turrvegen til hytta er godt merka frå ferjekaien på Fogn, men for sikkerhets skuld vil me ha folk til stades når båtane kjem som vil visa veg, legg Klingsheim til. Åpninga skal passa med rutebåtane, og det vil vera felles tur frå kaien klokka 11.
Arrangementet begynner klokka 12 laurdag, og skal vera slutt klokka 14. Etter helsingar og snorklypiing, blir det drøs og servering av tomatsuppe.
-Vêrmeldinga er bra for laurdag, og me håpar mange vil koma, seier Ole Klingsheim til Øyposten, som fullrosar øya for stor dugnadsinnsats på hytta.
-Det er svært imponerande, det er ei hytte som øya har fått eigarskap til, seier han.
Hytta ligg på øyas høgaste topp, Ørankula, og er oppkalla etter denne: Ørnareiret. Både Rennesøy og Finnøy Turlag, Stavanger Turistforening, Stavanger kommune, Rogaland fylke og SR Bank-stiften blir med på åpninga.
Om kvelden blir det jubileumsfest for Fogn Idrettslag, som fyller 50 år, i gymsalen på skulen. Her blir det kåseri av Ole Jakob Kjølvik, som er den einaste på øya som har vore på toppen av verdas høgaste fjell, Mount Everest. Kåseriet ber den passande tittelen «Frå Ørnakula til Mount Everest».
Det er alt 130 som har meldt seg på festen, kor det blir servert lapskaus til middag og is til dessert. Inngang er gratis, og det er fortsatt plass til fleire, får Øyposten opplyst.
Det blir også quiz med spørsmål frå dei siste 50 åra, både lokale og generelle.
Søndag er det klart for fognameisterskapen i friidrett og fognaløpet.