STAVANGER:
Stavanger-politikarane har også tidlegare sagt ja til at Anna Lauvsnes får dela frå huset ho bur i på garden på Lauvsnes. Men statsforvaltaren i Rogaland påklaga vedtaket, som var oppe til ny behandling i kommunen sist veke.,
Det enda med at eit knapt fleirtal for å seia ja til frådeling, kor Høyre, Frp og Fnb utgjorde fleirtalet, mens Ap, Venstre, Mdg og Rødt røysta mot.
Blant dei som hadde ordet i debatten var Ottar Sandanger (Ap), som viste til at både landbruksmyndigheter og statsforvaltar rådde frå ei frådeling.
-Eg er endå meir sikker i mi sak nå enn då me først behandla saka. Det er uheldig med fritt omsettelege eigedommar i landbruksområde, spesielt i eit kjerneområde for landbruk som dette er, meinte Sandanger, som fekk støtte frå Venstres Kjartan Alexander Lunde.
-Det er viktig å ta vare på landbruket og matjorda, ei frådeling vil auka presset på landbruket, meinte han.
Frps Mats Danielsen fann grunn til å spørja nærare om Ap sitt standpunkt i saka.
-Utvalet har fått eit brev underskrive leiar og nestleiar i kommunedelsutvalet, Birger W. Hetland og Jon Olav Runestad. Runestad er fortsatt medlem av Ap, så kvifor lyttar ikkje Ap til partiet sin eigen nestleiar i kommunedelsutvalet. Eg hadde venta å få høyra andre signal frå Ap i lys av brevet, sa Danielsen
Sandanger svara med at brevet ikkje var behandla i kommunedelsutvalet, og at det fekk stå for dei to underskrivarane si personlege rekning.