Måndag klokka 12.30 er Lauvsnesvegen sperra i botnen av bakken opp mot Finnøy skule.
Ein tankbil som skulle rygge inn med sparkelpulver til den nye sjukeheimen kom for langt ut i svingen og hamna i grøfta.
Ein traktor er på veg for å få den mange tonn tunge tankbilen opp att, får Øyposten opplyst.
Redningsarbeidet ser ut til å kunne ta litt tid, så bilar som kjem snur og køyrer rundt.
Klokka 12.45 er traktor på plass med slepetau.
Klokka 13.07: Traktoren strevar med å dra opp den 40 tonn tunge tankbilen.
Traktoren blir bytta ut med kraftigare saker.
Klokka 13.17: Tankbilen er oppe av grøfta.
Klokka 13.24: Det tek framleis litt tid å få tankbilen i rørsle.
Klokka 13.30: Då opnar vegen igjen.
Kart som viser ulykkesstaden: