Senterpartiet er med i det politiske fleirtalet i Nye Stavanger, men Hetland kan ikkje garantere støtte til KrF-forslaget.,
-Det er flott viss KrF har klart å finna pengar til dette, men eg vil studera forslaget nærare før eg kan seia om det er noko me kan gå for, seier Hetland til Øyposten.
Sp-politikaren meiner det er uansvarleg å auka anslaget for skatteinntektene neste år, når pilene etter hans meining peikar nedover.
-Det er enkelt å laga eit budsjett som dei slepp å stå ansvarlege for. Men viss KrF har eit så godt forslag som dei påstår bør dei gå i samtalar med det politiske fleirtalet i Stavanger for å prøva å vinna støtte for det, seier han.
Hetland viser også til at han har tatt saka opp med kommunedirektøren med spørsmål om det er mulig å løyva pengar til prosjektet over budsjettet til Nye Stavanger.
I svaret, datert 12. november, skriv kommunedirektøren mellom anna:
"Siden det er Statens Vegvesen sitt pågående prosjekt, ansees det ikke som aktuelt å sette av kommunale budsjettmidler til dette".
-Då er det merkeleg at KrF får det til, seier Hetland.
Heller ikkje Frode Myrhol i FNB er klar til å hoppa på forslaget frå Halleland og KrF.
- Det verkare litt enkelt å bare auka skatteanslaget, innvender Myrhol, som legg til at bommen i Finnfast etter bompengepartiet si meining skal bort så snart Finnfast er betalt.
-Ein gang- og sykkelveg har ikkje noko med Finnfast å gjera, den må betalast på anna vis, meiner han.