Gjenbruken hadde 20 prosent vekst i omsetninga i haust
NLM Gjenbruken i Vikevåg hadde ein formidabel vekst i omsetninga i haust. Butikkleiar Øystein Eggebø anslår veksten til 20 prosent.
RENNESØY: -Det skuldast kanskje NRK-programmet «Symesterskapet», seier Eggebø til Øyposten.
-Det er først og fremst klær kor omsetninga har auka. Dessutan er gjenbruk ein trend i tida. Hos oss kan du kjøpa fargerike klær for 30–40 kroner, og sy det om til noko heilt anna, legg han til.
Då Øyposten var innom var det full aktivitet med å rydda bort jula i butikken. Nå er det tilbake til normalen, og nye varer kjem stadig inn til den populære butikken på Rennesøy.