Dei første jordbæra frå Finnøy klar til Meny i Stavanger

Kåre Nordbø på Finnøy hausta dei første jordbæra på mandag. Fredag sende han 80 kilo til Meny-butikkane i byen.

FINNØY: Nordbø blei slått på målstreken av jordbærprodusent Geir Joa frå Sola, som leverte sine første jordbær før sist helg.

-Eg planta 14 dagar tidlegare, men likevel fann eg dei første jordbæra på same tid som i fjor. Det skuldast den kalde våren, seier Nordbø til Øyposten.

Nå ynskjer han seg litt meir sol og varme, men ikkje for varmt.

−20 grader ville vore ideelt, seier han.

Nordbø fyrer med biogass frå IVAR sine anlegg i Mekjarvik og på Grødem.

-Dermed skal det ikkje vera klimaavtrykk på desse bæra, meiner han.

I tillegg transporterer han bæra til byen med elbil.

-Nå blir det Finnøy-jordbær til 17. mai i byen?

-Ja, absolutt, slår Nordbø fast.

Han held seg til sorten Sonata, som ser både blanke og delikate ut.

-Er det mykje lokalsalg på Finnøy?

-Ja, det er noko, men det bør bli meir fart i jordbærplantene før eg for alvor tek opp lokalsalet, seier han.