FINNØY:
- Det er ikkje lett å tolka regelverket. Akkurat no prøver eg å finna rett definisjon på «bosatt i Norge.» Eg må vera heilt sikker på tolkinga før eg går ut med informasjon til medlemmane, det kan få store konsekvensar om folk blir ståande på grensa og ikkje får komma inn i landet. Mange næringar i Finnøy er heilt avhengige arbeidsinnvandrar for å halda hjula i gang. Blir forbodet lenger enn 14 dagar slik det er antyda i første omgang, kan situasjonen bli krevjande, seier Madland.,
På grunn av koronasituasjonen var det fleire av arbeidsinnvandrarane som ikkje reiste heim til sine respektive heimland i jula. Dermed er det grunn til å tru at færre arbeidarar blir ramma av innreiseforbodet.
- For vår del er det ikkje krise, i alle fall ikkje på kort sikt. Men skulle dette halda fram, kan det bli problematisk. Eghar tru på at det kjem løysingar som ordna dette.For eigen del ventar eg ingen arbeidarar frå utlandet no, fortel Jan Terje Vignes ved Lauvsnes gartneri.
- Heldigvis er det mange som bur fast her, og reiser til heimlandet på besøk. Viss det stemmer slik eg trur regelverket skal tolkast, betyr «bosatt i Norge» dei som har norsk personnummer. For å få norsk personnummer må ein melda flytting til Norge og ha norsk bustadadresse. Ein telefon til departementet kan avklara dette, det er viktig å få informasjon ut fortast råd for å unngå forvirring, seier Arne Madland.