Av Rune Nedrebø,
STAVANGER: -Me må i alle fall prøva å få dei til å lytta til argumenta våre, seier Eide til Øyposten.
Mellom dei som fekk stukke skrivet han hadde laga til i handa var både fylkesordførar Marianne Chesak (Ap), fylkesvaraordførar Arne Bersvåg (Sp) og leiaren i fylkessamferdselsstyret, Ole Ueland (H).
I skrivet blir det bedt om at ruteopplegget må kunna justerast innanfor dei budsjettramene som fylkestinbget vedtek.
Men, Høyres Ole Ueland, er ikkje særleg optimistisk.
-Det blir ein båt mindre, og det er nok mange som ynskjer å justera det opplegget som er lagt, seier han til Øyposten.
-Du gir ikkje så mykje håp?
-Eg meiner det er betre å væra ærleg og seia det som det er, svarar han.
I skrivet blir det mellom anna peika på at elevane frå øyane som går på Tau vil ha problemer med å rekka fram tidsnok, og at pendlarar heller ikkje vil nå jobben på Finnøy klokka 0800.
-Dette var me klar over då me behandla ruteopplegget i samferdselsutvalet og i fylkesutvalet. Eg har dessutan snakka med rektor på Strand vidaregåande. Han meiner like vel at det skal vera mulig å finna praktiske løysingar for elevane fråp øyane, seier Ueland.
Fylkestinget behandlar saka om opplegget for hurtigbåtane seinare tysdag.