Alt 3. mars kan fylkestinget koma til å gi grønt lys for utviding av hjem-jobb-hjem ordninga, ifølge Lunde. Då kan Finnøy bli omfatta av ordninga ved at den blir utvida til også å gjelda hurtigbåtar.,
-I samband med budsjettet for fylkeskommunen gjorde fleirtalet vedtak om at ei utviding av ordninga skal opp i løpet av våren, opplyser Lunde, som er Venstre sin mann i fylket sitt samferdselsutval.
Samferdselsutvalet i fylket skal i morgon diskutera den nye byvekstavtalen, og for at fylkestinget skal få saka på bordet om hjem-jobb-hjem til Finnøy, må det koma signal om utviding alt då.
-Det kan skje. Venstre vil uansett jobba for at også Finnøy skal bli omfatta av ordninga, seier han.
Men alt på møtet i morgon, kjem det ein god nyhet for båtpendlarane, meiner Lunde.
– Venstre i regjering fekk i haust gjennomslag for mange millionar ekstra som skal gå til betra kollektivtilbudet i Rogaland. 3,5 millionar skal til å utvikla ein eigen app som skal brukast til å bestilla plass på hurtigbåt. I dag er det ikkje mulig å få garantert plass når du bestiller, men med denne app’en vil det gå an. Spesielt for pendlarar vil det vera ein stor fordel, meiner Lunde, som håpar app’en kan vera på plass i løpet av året.