Rekordmange ungdommar ville vera med i årets Grieg-løp.|||Ingen ting å seia på spensten til Nils Haktor Bua, men i år måtte han nøya seg meg ein sterk andreplass.|||Ei stolt Siri Handeland får premien av Grieg-sjefen personleg, Nina Grieg, etter gjennomført løp.|||||Vatn må til. Serina Nessa sørger for at mamma Turid Angelsgård Lauvsnes kan fukta ein tørr munn til dottera Karen Marie Luvsnes.||Alfred Lauvsnes Hovdet kryssar måstreken som vinnar i ungdomsklassen. ||Alfred Lauvsnes Hovdet i ferd med å kryssa målstreken som førstemann i ungdomsklassen.

FINNØY: Grieg-løpet, som Finnøy Idrettslag arrangerer i samarbeid med oppdrettselskapet Grieg Seafood, måtte avlysast i fjor, men i år var det igjen duka for det tradisjonsrike løpet som rundar av Tomatfestivalen.,

Alfred Lauvsnes Hovdet i ferd med å kryssa målstreken som førstemann i ungdomsklassen. Foto: FOTO: Rune Nedrebø

Det blir konkurrert i tre klassar, barn ungdom og vaksne, og i ungdomsklassen var det ei rekordstor gruppe som stilte på startstreken. Først i måt av gutane blei Alfred Lauvsnes Hovdet, mens Matilde Eggebø blei best av jentene.

Måtte gi tapt

I vaksenklassen var det ni kvinner og 17 menn som ga seg i kast med den seks kilometer lange løypa.

Den spretne Sveio-buen Nils Haktor Bua var sugen på å forsvarar sigeren frå 2019, men i år måtte han bita i graset for Henning Tjøstheim frå Strand.

Ingen ting å seia på spensten til Nils Haktor Bua, men i år måtte han nøya seg meg ein sterk andreplass. Foto: FOTO: Rune Nedrebø

I steikande sol sprang Henning Tjøstheim inn på tida 20.50 og vann herreklassen. Men løyperekorden den har fortsatt Odd-Bjørn Hjelmeset.

Beste kvinne blei Marie Kloster frå Stavanger, som fullførte på tida 23 minutt og 12 sekund.

I barneklassen var det 113 ungar som deltok, og her var det Torjus Spanne som var den første over målstreken. Alle som deltok fekk premie av Grieg etterpå, og for ein del blei det også anledning til eit avkjølande bad i sjøen på Judaberg.

Vatn må til. Serina Nessa sørger for at mamma Turid Angelsgård Lauvsnes kan fukta ein tørr munn til dottera Karen Marie Lauvsnes etter løpet. Foto: FOTO: Rune Nedrebø

Fotballskule neste helg

Leiar i Finnøy Idrettslag, Bendik Heggelund er svært godt fornøyd med årets Grieg-løp.

- I fjor blei løpet avlyst, og difor var det flott at me nå begynner å koma tilbake til normalen og kunne arrangera løpet i år. Me var spent på kor mange som ville delta, men resultatet blei ganske som normalt. Det er ekstra kjekt at det blei ny rekord i ungdomsklassen, seier Heggelund til Øyposten.

Samarbeidet med Grieg går også ut på fortballskule og aktivitetsdag. Fotballskulen blir neste helg, og her er det fortsatt ledige plassar, mens aktivitetsdagen blir seinare i haust.

-Det er eit samarbeid me er veldig fornøyd med, avsluttar Bendik Heggelund.

Resultatlistene for årets Grieg-løp ser slik ut:

Ungdom (dei 5 beste):

Alfred Hovdet Lauvsnes 7.37

Torjus Spanne 8.14

Matilde Eggebø 8.23

Nora Haga 8.24

Aron Landa 8.36

Vaksenklasse, kvinner, fem beste:

Marie Kloster 23.12

Sara Aarseth 23.27

Stine Østbø 26.36

Mari Arnestad 26.46

Janne Aano Bø 30.31

Vaksenklasse, menn, fem beste:

Henning Tjøstheim 20.57

Nils Haktor Bua 21.20

Bjørn Sundvor 22.51

Simon Bjørheim 23.43

Tor Magne Moen 23.55