STAVANGER: -Dette er ingen katastrofe, sjukeheimen på Finnøy skal byggjast, og den skal bli fin. Men me må passa på innbyggarane sine pengar. Det blir stort behov for pengar til eldreomsorg framover, seier Frps Leif Arne Moi Nilsen til Øyposten.
Han viser også til bygginga av Lervig Sykehjem i byen, kor grunnarbeidet starta før resten var klart.
-Slik kan me gjera det her og, då treng det ikkje bli så stor utsettelse. Kanskje ikkje meir enn eit halvt år, seier Moi Nilsen.
Frp er foreløpig åleine om forslaget, som kjem opp i formannskapet på torsdag.
Forslaget har denne ordlyden:
"Kostnadsoppstilling etter anbud for Finnøy helse og omsorgssenterutbygging med kostnad 251 mill. inkl. mva. godkjennes ikke.
For å forhindre utsettelse i fremdriften av prosjektet ber Formannskapet Kommunedirektøren om å vurdere mulighetene for å godkjenne den delen av anbudet som omfatter grunnarbeidene".