FINNØY
: Koret i Hesby-kyrja er så godt som forsegla frå resten av kyrkjerommet. Bygningsplatene er tetta med fugemasse, for at ikkje støv frå oppussinga skal siva ut i rommet.,
Kyrkjebenkene og orgelet er godt tildekka.
Plastmalinga og sementen som er brukt på veggene innvendig skal nemleg bort, og erstattast med kalkmørtel. Til det møysommelege arbeidet kan det ikkje brukast anna enn trykkluftmeisel eller meisling for hand. Elektrisk verktøy kan skada murane. Etter planen skal kyrkja åpna igjen i utgangen av mars. Då vil veggene i koret framstå utan maling.