8,3 millionar til kyrkja på Sørbø
Kommunen vil løyva 8,3 millionar til rehabilitering av Sørbø kyrkje. Det blir anbefalt å ta arbeidet over fleire år.
Denne artikkelen er over to år gammel
STAVANGER:
l kommunedirektøren sitt budsjettforslag er det sett av 8,3 millionar kroner til rehabilitering av kyrkja på Sørbø, fordelt over dei neste fire åra.,
Sørbø kyrkje er ei langkyrkje, og blei bygd midt på 1100-talet. Men kyrkja har store problem med saltforvitring innvendig og avskaling av puss utvendig. I tillegg har det 110 år gamle skifertaket behov for utskifting.
Sidan arbeidet må overvakast, rår kommunedirektøren det blir gjort over ein lengre periode, fram til 2026.