Råsterk kar frå Rennesøy nesten til topps i NM

Kjell Gunnar Lindanger (37) frå Sørbø på Rennesøy blei nummer to i styrkeløft i NM i Bergen nyleg.

Kjell Gunnar Lindanger under ein tidlegare konkurranse.
  • Oddbjørg Måland
Publisert: Publisert:
Denne artikkelen er over ett år gammel

RENNESØY:

Lindanger stiller i vektklassen 120+ som er den tyngste klassen.,

- Det er diverre ikkje eit vektløftarmiljø på Rennesøy, det er vel difor eg er åleine om å driva sporten. Forresten, det kom nyleg ei jente frå Mosterøy som konkurrerer i juniorklassen, det er bra, fortel Kjell Gunnar som representerer Stavanger Styrkeløftklubb.

Hobby

Han har ikkje drive med vektløfting i meir enn 8 -9 år og allereie rekt å komma så langt. Tre gonger i veka reiser han til Siddishallen og trenar samanmed likesinna. Ei treningsøkt kan fort bli fire timar!

- Du har naturleg talent?

- Det veit eg ikkje, men eg har alltid jobba hardt med fysisk arbeid, det bør jo hjelpa. Eigentleg burde eg trena fem gonger i veka, men med små ungar er det ikkje så lett å få til. Det er trass i alt berre ein hobby.

Under konkurransen i Bergen løfta Lindanger 290 kilo i knebøy, 175 kilo i benkpress og 290 kilo i markløft.

,-

Kva er ambisjonane dine?

- Å bli så god som mogleg, så enkelt. Utruleg nok er eg framleis ung i denne sporten. Ein av trenarane mine var på sitt beste som 57 åring, så eg har ennå 20 år å gjera det på, smiler han.

Mykje protein

Kjell Gunnar fortel at å eta nok protein er ein viktig del av det å vera vektløftar.

- Protein er mat for musklane, og  har innverking på treninga.  Rett mat er viktig for å yta maksimalt og få best mogleg effekt av strevet. Eg prøver å få i meg mengda eg treng i forhold til trening og vekt, men eg slarvar nok litt. Rein og enkel mat er det beste.

Det neste store konkurransen er NM utstyr i Skien i sommar. Etter det tek han med seg kompisane frå Stavanger Vektløftar klubb og viser klubben fram på Rennesøydagen 27.august.

Publisert: