Skartveit gjestehavn har klart det - igjen

I går blei det klart at gjestehamna på Skartveit gjekk av med sigeren i Båtmagasinet si årlege kåring av landets beste gjestehamn.

«Costa del Skartveit» gjekk seirande ut av konkurransen med 37 prosent av stemmene. Det er tydeleg at kåringa engasjerer for nærare 3000 stemmer blei registrert.

Det var sju finalistar som kjempa om topp-plasseringa.

Topp motivasjon

Gjestehamna på Halsnøy har vore med i kåringa fleire gonger tidlegare. I 2014 gjekk dei heilt til topps i konkurransen og kunne smykka seg med den gjeve tittelen Noregs beste båthamn. I fjor var dei nominert, men nådde ikkje heilt til topps. I 2021 enda dei på ein sterk andre plass.

Også naboane i nord, Helgøysund marina, har vunne prisen to gonger, i fjor og i 2008.

– Eg er såå krye....Dette er ein skikkeleg boost, og den beste motivasjonen som finns. Me kunne ikkje fått ein betre start påsesongen. Eg må innrømma eg tenkte tanken på at det kunne skje, men det var mange sterke finalistar, så eg slo den ifrå meg. Desto større var gleda då telefonen kom i går. No er det berre å bretta opp armane og gjer meir av det same, seier Anita Ørnes.

Mange har nok allereie lagt merke til flagget som stadfester statusen på reiselivsanlegget på kaia på kaia. Snart kjem det eitt til.

Tidligare vinnarar:

2022: Helgøysund

2021: Bekkjarvik

2017: Arendal gjestehavn

2016: Mandal gjestehavn

2015: Bekkjarvik

2014: Skartveit på Halsnøy

2013: Tønsberg

2012: Klokkergården på Rødøy

2011: Farsund

2010: Farsund

2009: Husnes

2008: Helgøysund

2007: Bekkjarvik