RENNESØY:
Det var ingen veg utanom, dei seks kyrne som ramla i gjødselkjellaren hos ein bonde på Rennesøy måtte avlivast. Også bønder i området, som var tilkalla med gjødselvogner for å hjelpa til, er i ferd med å avslutta innsatsen.,
Meldinga om hendinga kom frå brannvesenet like før klokka ni, og førte til utrykning frå alle tre nødetatane.
-Var det nokon dramatikk knytta til hendinga?
-Det er snakk om dyr som lir, og difor var me opptatt av å få gjort avlivinga mest mulig kjapt og humant, seier innsatsleiar Andre Jakobsen i Rogaland Brann og Redning til Øyposten.
Bønder på Rennesøy blei mobilisert for å stilla med gjødselvogner og hjelpa til. Det var tre bilar frå brannvesenet på staden, pluss politi og ambulansepersonell. Ambulansefolka er på plass for å bistå dersom noko går galt under redningsaksjonen.
Det var veterinær Arne Revheim som hadde den ufysne jobben, med å gå inn i gjødselkjellaren og avliva dyra.
I følge den lettare stressa veterinæren "symde kyrne i drid" , og begynte å bli trøytte. Dyra såg ikkje ut til å vera skadde, men vurderinga som blei gjort var likevel at dyra måtte avlivast.