129 søkarar kjempa om kommunens gunst, og 43 fekk ja. Måndag delte komiteen som har gått gjennom søknadane ut nesten sju millionar kroner, til lag, organisasjonar og andre som skal laga alle tiders sommar for Stavanger-barn.,
Ryfylke Livsgnist på Finnøy får 300.000 kroner til opplegget "Camp Finnøy", medan Husflidslaget på Finnøy får 50.000 kroner til sommarskule i kreativ og praktisk forming. Rennesøy Frivillighetssentral får 100.000 til å arrangera barnas sommar i Rennesøy.
Komiteen som gjekk gjennom søknadane bestod av Eirik Faret Sakariassen (SV), Øyvind Jacobsen (AP), Dagny Sunnanå Hausken (SP), Sissel Knutsen Hegdal (H) og Kristoffer Sivertsen (FrP).
Av søkjarane som får tilskot er:
19 idrettslege tiltak, som både reine idrettstilbud og tilbud i kombinasjon med annan aktivitet
Åtte tiltak arrangert av frivillige organisasjonar, som speiding, turtilbud og musikalskole
14 kulturaktørar, med tilbud innan teatersport, musikkproduksjon, sykurs og låtskriving
To reine læringstilbud, gjennom Aftenskolen Rogaland og Universitetet i Stavanger.,"Barnas sommer" er gratis for alle deltakarar.
Kommunalsjef for barn, unge og familie i Stavanger kommune, Jone Skjelbred, rosar handlekrafta hos lag, organisasjonar og dei andre søkjarane.
- Med "Barnas sommer" får barn og unge i Stavanger sjansen til å prøva ei rekke nye, spennande og utfordrande aktivitetar. På kort tid har aktørane vore kreative og kome opp med heilhetlige og gjennomførbare tiltak og prosjekt. Me er imponert over bredden i søknadene. Me har også sett nye og interessante samarbeid som heilt sikkert vil tilføra byen noko nytt på lang sikt, seier Skjelbred.
Alle aktivitetane vil foregår i skuleferien, men har ulik oppstartdato.