115 vil springa Helgøyløpet under bruåpninga

115 har meldt seg på til Helgøyløpet i dag i forbindelse med åpning av brua. Men det kan bli fleire.

Så langt har 115 meldt seg på, men då Øyposten sjekka fredag kunne det koma etternølarar, for då var ikkje fristen for påmelding gått ut.

– Kjempekjekt, me har jo store forvetningar til dette arrangementet, så talet på deltakarar er vel omtrent som venta, seier løpsansvarleg Sveinar Vadla.

Pengepremiar

Han oppmodar folk som har lyst å springa til å melda seg på i førekant for å unngå kaos ved sekreteriatet.

Dei alle yngste startar rett etter at fylkesordførar Marianne Chezak har klipt snora, og Jon Arne har køyrt traktoren over den 290 meter lange brua.

Dei andre klassane startar klokka 16.30 ved Fister idrettsplass og skal springa langs Fisterfjorden, over Helgøybrua og gjennom eit par frukthagar før målgang på Helgøy.

8 kilometer

Løparane følgjer vegen langs Fisterfjorden, over Helgøybrua, gjennom eit par frukthagar på Helgøy før målgang på øya.

Asfalt mestedelen, før det er grus gjennom frukthagane. Slak stigning frå Fister sentrum, og deretter småkupert før ein tar av og ned mot brua. Litt meir stigning blir det på Helgøy og gjennom frukthagane der.

Alle som deltek får medalje og eplemost i mål, mens dei aller sprekaste i dei vaksne klassane får pengepremiar. Trimløpet 0–99 år er utan tidtaking og kostar 100 kroner.

Påmelding: 400 kroner per vaksen og 100 per born.

1. premie: 2500 kroner
2. premie: 1500 kroner
3. premie: 1000 kroner

Under kan du sjå kven som har meldt seg på: