FINNØY: Den 1,5 kilometer lange lysløypa er nå opplyst av totalt 70 lyspunkt. Dugnadsgjengen som har jobba med å lyssetja siste del av løypa er nå ferdig, og det skal markerast, opplyser primus motor Arild Flesjå til Øyposten.
-Tysdag 25. oktober blir det offisell åpning klokka 18.30. Då har me invitert leiar og nestleiar i kommunedelsutvalet, Birger W. Hetland og Jon Olav Runestad, som har pusha på for å skaffa midler. Dessutan vil aktivitetsgruppa i idrettslaget arrangera løp for små og store med premiering, seier Flesjå.
Dessutan blir det grilling av pølser og servering av varme vafler.
-Me håpar at mange vil vera med på åpninga av lysløypa, oppfordrar Arild Flesjå.
Første etappe av turløypa fekk montert lys alt hausten 2018. Sidan har arbeidet gått stykkevis og delt framover.
Lysløypeprosjektet har ei kostnadsramme på rundt 1,2 millionar kroner og skulle etter planen vore ferdig våren 2020, men er blitt forsinka av ulike årsaker.
Etter ein betydeleg dugnadsinnsats, gode innkjøpsavtalar, spelemidlar frå Norsk Tipping og momsrefusjon, har beløpet blitt redusert betraktelig. Kommunen sponsar prosjektet med rundt 450.000 kroner.