STAVANGER:
Det var Birger W. Hetland som tok opp saka som interpellasjon i kommunestyret, og som eit samrøystes kommunestyre slutta seg til.,
Hetland viste til at Nord-Hidle er ein del av Sjernarøyane, og at det difor er unaturleg at dei skal tilhøyra Finnøy stemmekrets.
-Hadde me visst korleis dette forheldt seg då me la ned Nord-Hidle som eigen stemmekrets, ville resultatet blitt slik interpellanten her foreslår, sa Sølvi Ona Gjul.
Fristen for å melda endringar av stemmekretsar til Kartverket er 30. mars, og dette var siste anledning kommunestyret hadde til å endra på kretsane. Difor vedtok kommunestyret forslaget frå Hetland, sjølv om det ifølge kommunedirektøren si orientering strengt tatt ikkje er anledning til å stemma over interpellasjonar.