Brannvesenet rykka ut til stort bål
Laurdag midt på dagen rykka brannvesenet ut til eit bål ved Gangenes sør for Østhusvik.
Politiet fekk melding om eit ulovleg bål på Rennesøy laurdag klokka 12.52.
– Det skal ha vore eit nokså stort bål, men utan at det var særleg fare for spreiing, seier innsatsleiar Andre Jacobsen i brannvesenet.
Han var ikkje sjølv ute på oppdraget.
Bålet var ved Gangenes sør for Østhusvik.
Generelt er det lov å fyre opp bål her i landet frå 15. september til 15. april, men innanfor visse grenser.
– Bålet skal ikkje sjenere naboar, det skal vere av reint materiale og det må vere innanfor rimelege grenser, seier Jacobsen.
Kart som viser Gangens:
