FINNØY:
"Lam", kom det litt undrande frå ein smårolling frå barnehagen på Talgje, etter å ha betrakta sauer og lam på garden til Ole Rasmus og Anne Lise Sevheim på Finnøy.,
Barnehagen på Talgje tok turen til Finnøy med kommunen sin el-buss, som Finnøy og Rennesøy er så heldige å vera dei einaste kommunedelane i byen som har. Bussen blir administrert av frivillighetssentralane, og kan brukast av alt frå barnehagar til fotballlag. Private arerangement er derimot utelukka.
-Det er er eit veldig flott tilbud, seier June Christensen til Øyposten. Ho er pedagogisk leiar i Talgje barnehage.
-Den er veldig enkel å kjøra, og kan kjørast av alle med vanleg sertifikat. Utan denne ville me ikkje kunna reist med heile avdelinga på tur, for vanlege personbilar har ikkje plass til fleire enn tre i baksetet. Denne tek seks, seier ho.
Bussen henta ho i Vikevåg kvelden før, og skal levera den tilbake dit seinare på dagen.
-Det er ei smal sak å bestilla bussen, og er nok eit tilbud me kjem til å benytta oss meir av . Det er absolutt å anbefala for andre også, og det beste er at bussen er gratis, seier Christensen.
Barna kosa seg i sol og kjølig vårvind frå nord, og hoppa og spratt rundt akkurat som dei små, firbeinte som dei var komne for å sjå.
-Dei har gleda seg stort til turen, det begynte dei med alt dagen før, seier June Christensen.