Fylket heiar på gratis båt, buss og tog

Fungerande leiar i fylket sitt samferdselsutval, Reid Ivar Bjorland Dahl (KrF) synes det er gledeleg at Stavanger aukar innsatsen for å få fleire til å reisa kollektivt.

STAVANGER: -Fylkeskommunen deler fullt og heilt denne målsettinga, men forslaget kom litt brått på, innrømma Bjorland Dahl.

Han la til at det nå må jobbast praktisk med saka, men han trur det skal vera mulig å få det til innan fristen, som er første juli.

Likevel understreka han at tiltaket i Stavanger ikkje må gå ut over rutetilbudet andre stader.

Også fylket sin samferdselsjef Stine Haave Åsland understreka at fylket er positiv til auka kollektivtransport.

-Men det er fleire uavklarte spørsmål av praktisk, økonomisk og juridisk art i denne saka, sa ho på møtet. Stavanger kommune og fylket skal møtast torsdag for å nøsta opp i saka med gratis båt, buss og tog.