Den foreløpige rekneskapen for Stavanger kommune viser eit netto driftsresultat på 260 millionar kroner, tilsvarande 2,4 % av samla driftsinntekter. Gjeldsgraden blei på 63 prosent. Eigenfinansieringa av investeringane i 2019 var på 55 prosent.,
For Rennesøy viser rekneskapen eit netto driftsresultat på pluss 3,3 prosent, mens Finnøy har eit netto driftsresultat på minus 2,1 prosent.
Drifta i tenesteområda blei likevel høgare enn budsjett, og dette gjeld særleg innanfor oppvekst og utdanning, samt helse og velferd.
– Betydeleg høgare skattevekst på slutten av året og fallande arbeidsløyse viser at regionen har ei positiv utvikling, men kostnadsveksten i tenestane vekkjer uro, seier kommunedirektør Per Kristian Vareide, som viser til at handlingsromet i 2020 er stramt.
Tenesteområda brukte 53 millionar kroner meir enn budsjettert i 2019. Det er barnevernet, helse- og sosialkontora, heimetenestane og dagsenter og avlastingstenesta som har høgarere forbruk enn budsjettert. Det er også høgarere forbruk innanfor grunnskule og barnehage, og dette skuldast i hovedsak kostnader i samband med barn som får tenestar i andre kommunar og straumutgifter. Øvrige tenestar er stort sett i balanse eller har eit mindre forbruk.
Dei fleste tenesteområda i Rennesøy og Finnøy har brukt mindre enn budsjettert, med unnatak av virksomheter innanfor skuleområdet.
Det blei investert for 843 millionar kroner i Stavanger kommune, 46 millionar kroner i Rennesøy kommune og 28 millionar kroner i Finnøy kommune. Investeringene gjeld bygg og anlegg innanfor skule, barnehage, helse og omsorg, idrett, kultur, park og vei, vatn, avløp og renovasjon, i tillegg til investeringar i ny teknologi. Investeringsrekneskapen i dei tre kommunane er gjort opp i balanse.
Stavanger kommunes samla skatteinngang i 2019 blei på 5 317 millionar kroner og gir ein vekst på 7,5 prosent. Justert for inntektsutjamning blir den samla effekten på dei frie inntektene (skatt og rametilskot) 138 millionar kroner i Stavanger.
I Rennesøy kommune blei skatteinngangen 159 millionar kroner. Det betyr ein vekst på 2,7 prosent frå 2018, og dermed ei meirinntekt på 3 millionar kroner til Rennesøy.
Samla skatteinngang for 2019 blei 91 millionar kroner i Finnøy kommune. Dette er ein vekst på 0,5 prosent samamanlikna med 2018. Justert for inntektsutjamning blir meirinntekta for dei frie inntektene ein million kroner i Finnøy.