Mange flotte glis i toget på Askje
Det begynte under koronaen, men ideen ser ut til å fengja også etter at pandemien er tilbakelagt: Kjøretøykortesje i barnetoget på Askje.
ASKJE: Det var mange flotte traktorglis under barnetoget på Askje. Det var både gråtassar, Hanomag’ar og knallblå Fordson.
Melvin Hodnefjell stilte til og med i toget med ein Puch 1972-modell, med fanfare-lyd og blå melkekasse bakpå, pynta med bjørkelauv og norske flagg.
Først i toget kjørte ein flott og blenkjande Hanomag, som tilhøyrde Jorunn og Åge Roar Aske.
-Traktoren blei anskaffa før dottera vår Randi skulle konfirmerast. Den blei pussa opp slik at me kunne køyra Randi til konfirmasjonen, seier Jorunn Aske.
Trass i sur vind og regn i lufta var det godt oppmøte i barnetoget, som gjekk frå Askje kyrkje og rundt Skorpefjell. Etterpå var det samling i Mastrahallen, med mat og leiker.
