Ferdigstilling av dagsturhytta nærmar seg

No er det berre finpussen som gjenstår før den offisielle opninga av dagsturhytta, helga 3.- 4.september.

I dag byrja den estetiske sisteetappen på dagsturhytta, løing av natursteinsmur. F.v: Morten Sangedal og Jakob Bø.
Foto: Oddbjørg Måland
  • Oddbjørg Måland
Publisert: Publisert:
Denne artikkelen er over ett år gammel

Aller siste hand på verket er i gang. Morten Sangedal, Jakob Bø og Ole Klingsheim er i gang med å lø natursteinsmur på to av sidene. Det høgste partiet som skal dekkast med naturstein er êin meter. Steinen blei flydd opp med helikopter tidlegare i sommar.

Naturleg fint

– Me har god tru på dette. Denne muren passar perfekt til hytta og glir naturleg inn i terrenget. Men det kjem til å ta litt tid, spesielt den fyrste rada er ekstra tidkrevjande. Me blir uansett ferdig i god tid før opninga som er fyrste helga i september, seier grunneigar Jakob Bø.

Går alt etter planen skal alle dagsturhyttene i Rogaland veragferdige i løpet av året. Den 10. og sist opna er Fisterbu som blei opna 1.juli. Hytta ligg 385 meter over havet, og ein kort spasertur frå Fister skule.

Fordelinga av dei resterande hyttene ser slik ut:

Juli/august/september:

  • Karmøy
  • Haugesund
  • Utsira
  • Tysvær

Oktober/november/desember:

  • Time
  • Bokn
  • Stavanger, hytta på Hundvåg
  • Strand
  • Sauda
  • Kvitsøy

Den aller fyrste dagsturhytta i Rogaland, Søsterhytta, blei opna 16. desember i fjor.

Publisert: