Det var rådmann Karin Dokken Austvik som opplyste om kostnadsauken under kommunestyremøtet i kveld.,
Dokken Austvik seier til Øyposten at kostnadane, som var kostnadsrekna til rundt 7 millionar kroner, nå er oppe i 25-26 millionar kroner.
Prisen omfattar vannledning frå Aubøsund til Nord-Hidle og vidare til den kommunale vannledninga på Helgøy. Det siste skal sikra tryggare vannforsyning i Sjernarøyane.
- Grunnen til kostnadsauken er at det er lenge sidan prisen i si tid blei kalkulert. Men me stiller også spørsmål ved IVAR sine tal, seier Dokken Austvik vidare.
Viss heile kostnadane skulle dekkast av abonnentane i Finnøy, vil det tilsvara ein årleg auke i vannavgifta på 870 kroner for kvar husstand.
- Utvbygginga av vannforsyninga skal i utgangspunkt betalast av abonenntane, men her er det eit alternativ å ta opp lån, meiner Finnøy-rådmannen.
Meininga var at utbygginga skulle ta til i år, men sidan prosjektet ikkje er godt nok utreda vil legginga av vannledninga først koma i gang neste år. Mellom det som må avklarast er kor vannledninga skal koma i land. Om det skal skje på nordsida av Nord-Hidle eller på den sida som vender mot Halsnøy.