Arne Martin har fått ny jobb – gir seg som dirigent på Rennesøy

Kantor Arne Martin Aandstad blir pendlar frå Talgje til Avaldsnes.

Finnøybu Arne Martin Aandstad har vore tilsett ved Rennesøy kyrkjekontor sidan 2018, og han er dirigent for Rennesøy kyrkjekor og Schola Utsteiniensis. Nå har yrkeslivet tatt ei vending.

– Eg har fått jobb som kantor på Avaldsnes. Eg begynnar i den nye jobben 1. august, seier Aandstad.

Han vil ikke sei noko om grunnen til at han sluttar på Rennesøy.

Aandstad bur på Talgje og skal nå pendle nordover til kyrkjesoknet på Karmøy.

– Eg blir buande på Talgje, seier Aandstad.

Jobbskiftet gjer at Rennesøy kyrkjekor og Schola Utsteiniensis må finne ny dirigent. Schola Utsteiniensis syng gregoriansk song på norsk og har leia månadlege kveldsbøner, òg kalla vesper, i Utstein kloster.