Får behalda skjenkeløyvet inntil vidare

Innbyggartorget på Judaberg får lov til å servera øl og vin, inntil kommunen har gjort ei ny vurdering om skjenkeløyvet er i samsvar med regelverket.

Bygdakokken får fortsatt servera øl og vin på Innbyggartorget.
Publisert:

STAVANGER: I sist kommunestyre ba ordførar Dagny Sunnanå Hausken kommunen gå ein ny runde om skjenkeløyvet for Innbyggartorget er i samsvar med kommunens retningslinjer for skjenking.

Direktør Leidulf Skjørestad i Stavanger kommune opplyser at det ikkje er aktuelt å trekkja tilbake skjenkeløyvet, før kommunen har konkludert i denne saka.

Direktør Leidulf Skjørestad i Stavanger kommune.

-Er dette innanfor, blir vedtaket ståande. Viss me er i tvil vil saka bli lagt fram for politisk vurdering, opplyser Skjørestad, som reknar med at det blir ei avklaring i saka før sommarferien.

Det var Krfs Henrik Halleland som tok saka opp med ordføraren under kommunestyremøtet.