«Med om lag 650 medlemmer og 1600–1700 personar på lønningslista kvart år vert forventa omsetning godt 100 millionar for 2024» skriv nye Landbrukstenester Ryfylke SA i ei pressemelding.
Valet om å fusjonere blei tatt med den hensikt å skape eit meir robust lag der ein til dømes sikrar at det alltid er folk på kontoret, med god oppfølging og tenester.
– Hovudkontoret blir på Finnøy, med avdelingskontor både på Sand og i Årdal, sa Arne Madland til Øyposten då han tidlegare fortalde oss om planane for laga.
Ryfylke landbrukstenester SA jobbar hovudsakleg med velferdsordningane i landbruket, som ferie- og fritidsavløysing, sjukeavløysing og landbruksvikarordninga.
– Me kan hjelpa med søknader om sjukeavløysing for bonden, og skal vera ei støtte i både vanskelege og gode tider. Arbeidsgjevaransvaret for dei som jobbar i desse ordningane ligg hos laget, noko som er ein god tryggleik for bøndene, sa Madland vidare:
– Me driv også med rekrutteringsarbeid blant anna i form av avløysarkurs i 10 klasse, formidling av arbeidskraft frå utlandet og generell formidling av arbeidskraft i lokalmiljøa.
Laget arrangerer i tillegg kurs som er relevante for bønder. Ein gong i året gir dei ut «Prislista Finnøy Maskinring» med leigeprisar på maskinar og diverse nyttig fagstoff.