Her skjer det, Helgøy-brua åpna

18.juni vil for alltid bli ein merkedag på Helgøy.

Så var det gjort. F.v: Varaordførar i Hjelmeland Anita Husøy Riskedal, fylkesordførar Marianne Chesak,
  • Oddbjørg Måland
Publisert: Publisert:

HELGØY: Brua varslar om ei ny tid på Helgøy. 40 år med venting er over, og det vesle samfunnet opplever noko som mest ingen trudde ville gå an.

Prislappenpå den nye brua er snautt 100 millionar kroner når den no står heilt ferdig.

Det er ikkje godt å sei kor mange som hadde teke turen til Helgøy, men det var mange, veldig mange som ville vera med på den store opningsfesten. Det var reine 17.mai stemninga, med korpsmusikk, flagg, is, forskjellige aktivitetar og ikkje minst bunadar.

«Alle» på Helgøy gjekk i samla flokk over brua til til tonar frå Årdal musikkorps.

Ein seiersdag

Fylkesordførar, Marianne Chesak fekk æra av å klippa snora då den 290 meter lange brua blei opna med brask og bram laurdag føremiddag.

– Det har vore ein lang veg mot målet, og no er endeleg dagen her. Eg sat i ein gravemaskin og tok det fysrte spadestikket, og no står står eg her igjen. Dette er ein seiersdag, sa fylkesordføraren.

Etter at snora var klippa, fekk Jon Arne Helgøy æra av å vera den fyrste til å køyra over brua. I hengaren bak traktoren sat Håkon Helgøy og Olav Mosnes og vinka til folket med blomar og flagg. I følgje Jon Arne hadde det ikkje blitt bru utan desse to.

Det hadde ikkje blitt bru utan Olav Mosnes, bakpå. Jon Arne Helgøy i førarsete

– Dette skulle mest ikkje gått an. Men det viser seg at ingenting er umogleg når ein berre vil nok. Fantatsisk, seier Jon Olav Runestad frå Fogn.

– Det er ikkje mange med same innbyggartal som ville fått det dei har klart her. I dag blir innsatsen krona med hell, det er velfortjent.

– Litt misunneleg?

– Ikkje i det heile tatt. Dette unner eg helgøybuen, seier Ottar Sandanger.

Alle me snakka med og som deltok i opninga var opptekne av at øya no blir knyta nærmare resten av kommunen, og resten av verda. Og at brua vil bli sjølve livsnerva i det vesle samfunnet.

Ryfast x 10

Varaordfører i Hjelmeland, Anita Husøy Riskedal, gjekk så langt som å sei at dette er Ryfast x 10, og at dagen sjølvsagt kjem til å bli offisiell flaggdag på Helgøy. I tillegg minna om at på hennar fyrste besøk på Helgøy blei ho kasta på sjøen av Kristen Helgøy

Daniel Nedrebø ankom opninga geileida av barnebarnet Daniel jr. Han var ein sentral skikkelese under opninga av Sjernaøybrua i 2010, og ville ikkje for nokon pris unngå denne historiske hendinga.

Daniel Nedrebø, junior og senior. - Eg kunne ikkje la dene sjansen til å vera med bruopninga gå ifrå meg, seier Daniel sr.

– Eg veit ikkje om eg nokon gong meir kjem tilbake til Helgøy, difor er det viktig at eg får med meg dennebev Eg har fylgt saka i 40 år, og tykkjer det er fantastisk det dei har fått til. Ei gåvepakke. Det er berre å gratulerera med dagen.

– Får du litt backflash?

– Nei, det er så lenge sidan det, eg gjer ikkje det, seier Nedrebø.

Ein ann sjernarøybu som stiller seg i køen av gratulantar er Birger Hetland.

Helgøy er den siste øya som no blir knyta saman med resten av Hjelmeland kommune.

Det var mange hundre som gleda seg med helgøybuen på opningsfesten.
Han har all grunn til å feira. I 40 år jobba Håkon Helgøy for å få bru til Helgøy.

– Eg er ein ihuga forkjempar for brubygging. Difor er eg «jysela» glad på vegne av helgøybuen i dag, sa Birger Hetland, leiar i kommunedelsutvalet i Finnøy.

Og det var desse orda som gjekk igjen gjennom heile dagen. Det er ingen tvil om at helgøybuen har fått som fortent.

  1. Hjelmeland