Fekk vist oppdrettsjefen utsikten frå stova si

Oddrun Merete Reilstad Handeland har oppdrettsanlegget til Bremnes «på skjevå», og fekk vist regionsjef Trond Steinsvik i oppdrettselskapet  utsikten frå tunet på Landa då selskapet inviterte til samspelmøte i Fleirbrukshallen på Finnøy.

Oddrun Merete Reilstad Handeland viser regionsjef Trond Steinsvik i Bremnes Seashore utsikten frå stova sin til oppdrettsanlegget på Hesbygrunnen.
Publisert: Publisert:
Denne artikkelen er over ett år gammel

FINNØY: Korkje ho eller mannen Ove Handeland var særleg begeistra for å ha anlegget rett ved heimen sin. Men begge innser at det er kome for å bli, og var også postitive til møtet som oppdrettselskapet arrangerte på Finnøy.,

Her blei det opplyst at selskapet har fått tillatelse til å utvida frå seks til til merdar på Hesbygrunnen. I tillegg vil anlegget bli snudd inn mot Dødvika, etter innspel frå bygda, blei det opplyst.

Ifølge Oddrun Merete Reilstad Handeland vil det like vel bety at anlegget kjem endå nærare dei. I dag ligg det 400 meter frå land, men nå blir avstanden bare 200 meter, seier ho.

Forståelse

Regionssjef Trond Steinsvik uttrykte forståelse for situasjonen til Handeland, men samstundes er det lite selskapet kan gjera viss det fortsatt skal vera oppdrettsanlegg her. For å flytta anlegget lenger ut går ikkje, sidan det då vil koma i konflikt med kvit sektor på fyrlykta på Høna på Finnøy.

Foranledningen for møtet var at selskapet skal ASC-sertifisera anlegga sine ved Prestholmane ved Talgje og på Hesbygrunnen ved Finnøy, og som kort fortalt går ut på bærekraftig virksomhet. Bremnes stilte mannsterke på møtet med sju personar frå ulike ledd i selskapet, og frå lokalmiljøet var det utelukkande folk frå Landa, dvs som er naboar til anlegget på Hebygrunnen, som møtte.

Bra å bli kjefta litt på

Spørsmåla var mange, og tonen både positiv og imøtekomande. Fagsjef Geir Magne Knutsen såg mellom anna det fornuftige i at næringa blir "kjefta på" av og til.

-Det gjer oss betrre, sa han.

Frå Bremnes si side blei det vidare opplyst at dei grøne nøtene i anlegga skal skiftast ut med nøter av ein mørkare farge, som byter vseg mindre ut. Men dei gule blåsene og dei blinkande lysa vil bli verande, for dei er selskapet pålagt å ha etter lova.

Det var også spørsmål om kva betydning dei to anlegga har for miljøet i Boknafjorden, mellom anna når det gjeld næringssalter, og her viste selskapet til at botnen under andlegga begge stader har fått topp score.

-Me har heller ikkje sett at utsleppet av næringssalt påverkar miljøet i Boknafjorden, opplyste Geir Magne Knutsen.

To tredelar av forspelet blir oppløyst i sjøen, mens den siste tredelen fell ned som slam.

Kysttorsken borte

At torsken var borte og reketrålinga har i området har minka, var også eit tema, men her svara Knutsen at dette er ein generell trend som kan ha mange andre forklaringar enn oppdrettsnæringa.

-Men viss det skulle visa seg at det er vår skuld, skal me sjølvsagt ikkje springa frå det ansvaret, la han til.

Bremnes produserer 5800 tonn laks i anlegget på Hesbygrunnen, og nesten 1800 tonn i anlegget ved Talgje. Foreløpig er det uikkje aktuelt å utvida produksjonen på Hesbygrunnen, sjølv om det blir fleire mærar.

Oppdrettselskapet forsikra vidare om at det ikkje var aktuelt å bruka hagle mot fuglar i anlegga. Problemet med fuglar, til dømes hegre eller skarv, er nå sterkt redusert, blei det opplyst. Dessutan har ei ekstra not i botnen av mærdane redusert problemet med pigghå.

Lus eit problem

Buken av lusemiddel er også sterkt redusert, blei det lagt fram tal for, men samstundes var lus fortsatt eit problem. Botemiddelet var brakklegging av anlegga, pluss varm ebehandling av fisken. Men sjølv laksen godt tålte ein varme på nokre og 30 grader, så førte behandlinga han blei utsett for likevel til ein viss dødlighet.

-Det er bra med dialog. Eg kunne sjølvsagt tenkt meg anlegget på Hesbygrunnen langt vekk, men det er ikkje realistisk, seier Erling Landa til Øyposten etter møtet.

Oddrun Merete Reilstad Handeland  synes også det er bra at selskapet held møter med naboar.

-Anlegget er nok kome for å bli, og me har ein grei tone med selskapet. Er det noko me vil ta opp med dei, så gjer me det, enten med selskapet eller direkte med dei som jobbar på anlegget, seier ho og mannen Ove Handeland.

Publisert: