FINNØY:
Planen var at bompengar frå Finnfast skulle betala 25 av dei 30 millionane det skulle kosta å byggja gang- og sykkeleveg langs den livsfarlege strekninga på fyleksvegn 519 frå Nådå til Fåhaldet på Finnøy.,
Det skulle skje ved at bompengeperioden i Finnfast blei forlenga med åtte månader etter at Finnfast var betalt, ein plan som både Stavanger kommune og fylkeskommunen går for.
Men nå viser det seg at denne planen er gått i vasken, etter bompengeforliket mellom Frp og regjeringa.
Øyposten har retta spørsmål til Frps stortingsrepresentant Roy Steffensen om finansieringa er med i forliket, og fått dette svaret:
"Hei, vi har fått gjennomslag for å betale ut restgjelden på ca 150 millioner kr for Finnfast, som vil spare næringsliv og pendlere for titusener av kroner i året. Det ligger ikke inne penger for å betale ned eventuelle planer man har vurdert for utvidelse av bompengeperioden.
Ønsker noen det nå skal kreves inn enda mer bompenger fra finnøybuen til å dekke andre prosjekter, må de i såfall starte prosessen på ny med å starte en helt ny bompengeinnkrevning", skriv Roy Steffesen i sitt svar.
Leiaren i fylket sitt samferdselsutval, Alexander Rügert-Rausten (mdg) er "mållaus".
-Dette er snakk om sjølvskading. Nå eit viktig trafikksikkerhetstiltak er knytta til eit slikt prosjekt, er det ikkje for løye. Viss Frp synes det er viktigare å spara bompengar enn å redda liv er det heilt tragisk. Her er partiet fullstendig på villsport, seier mdg-politikaren.