MOSTERØY:
Dei to kompanjongane har kjøpt seg inn i aktivitetsselskapet Coastal Adventures Egersund og danna sitt eige dotterselskap. Konseptet i Egersund har hatt stor suksess, og nå vil Østerhus og kollega Gangenes altså ta dette konseptet til Mosterøy og Ryfylke, med Utstein Kloster Hotell som base.,
Søndag inviterte det nystara selskapet potensielle guidar og bidragsytarar som ynskjer å vera med på å gjennomføra dette, til eit "kick-off" i området ved Utstein og Fjøløy.
Coasteering, rappelering og padling
-Det er viktig å tilby aktivitetar rundt drifta av hotellet, seier Østerhus.
- Mange gjester etterspør muligheter for unike opplevelsar. Dette gjer me nå muleg, ved å tilby utleige av diverse utstyr slik at gjestene våre får nyta det fantastiske og unike historiske landskapet og flotte sjøareala som me har rundt oss på alle kantar. Dette i tillegg til guida turar til lands og til vanns, vil føra til at me kan tilby nokre av dei mest spektakulære opplevingane eit hotell kan tilby her i Norge. Me forventar stor pågang frå kurs- og konferansemarknaden og turistar, når samfunnet vert opna opp etter Covid-19 . Då vil Coastal Adventures Ryfylke bli eitt trekkplaster, meiner Østerhus.
Flytande badestove
-Og kva er essensen og hovudaktivitetane i det som det nå skal tilby gjestane?
-Det blir lagt opp til padling i både kajakk og på SUP (Stand-up Paddelboard), rappelering, snorkling, coasteering (avansert bading med drakt, vest og hjelm) og teambuilding. Ja til og med ei flytande badstu skal gjestane våre få nyta. Og det skal bli meir, men det vil bli ei overrasking, forsikrar dei to kompanjongane Østerhus og Gangenes og smiler lurt.
-Nå på søndag hadd me eit "kick-off", der me fekk prøvd oss i dei rette elementa her på og rundt Utstein. Basert på dette, meiner me å ha truffe "innertier" med det opplegget som me nå lanserer. Så gjestane våre går ei hyggeleg tid i møte, og Utstein Kloster Hotell vil verkeleg bli sett på kartet, reklamerer Østerhus.