Tina Nådland stiller på Ap-lista

Koordinator på Innbyggertorget i Vikevåg, Tina Nådland, er på 11. plass på lista til Ap til kommunevalet neste haust. Lærar Hanne Vasshus frå Finnøy er på 13. plass.

Tina Nådland engasjerer seg politisk i Ap. Foto: Rune Nedrebø
Publisert: Publisert:

RENNESØY: -Eg følte eg nå har anledning til å engasjera med i politikken igjen. Det er viktig med representantar som kjenner problemstillingane i øyane, seier Tina Nådland til Øyposten.

Ho understrekar like vel at dersom ho kjem inn i Stavanger kommunestyre, så vil ho vera representant for heile Stavanger, og ikkje bare for Rennesøy.

-Har du hjertesaker du brenn for?

-Gode forhold for næringslivet, skule og å støtta opp om dei som vil noko. Eg har ganske mange saker eg brenn for, eigentleg, svarar ho.

Tina Nådland har erfaring som folkevald også tidlegare. Ho sat ein periode i kommunestyret i Rennesøy, var leiar av planutvalet der og representerte då SV.

-Det er ei stund sidan eg melde meg ut av SV og inn i Ap. Eg har stemt på Ap ved fleire anledningar, seier Tina Nådland til Øyposten.

 
  1. Rennesøy