Ap går for Øyfast, men vrakar Vassøy-bru

Stavanger Ap vil jobba vidare med Øyfast, men vender tommelen ned for bru til Vassøy i partiprogrammet til kommunevalet neste år.

FINNØY: Medlemsmøtet i Ap onsdag vedtok å jobba for at Øyfast kjem inn «regionalt planverk», dvs fylkesplanen for samferdsel.

Det var Aps Jon Olav Runestad som snekra formuleringa som gjekk glatt igjennom på medlemsmøtet.

Runestad seier til Øyposten at han er både glad og overraska over at formuleringa blei vedteken.

-Det kan ha mykje å seia for arbeidet med Øyfast framover. Skal prosjektet realiserast må det inn i fylket sine planar, meiner han.

Derimot vende Ap tommelen ned for bru til Vassøy, av hensyn til miljø og natur.

Ordførar Kari Nessa Nordtun var blant dei som stemde nei til prosjektet.